Американците го губат сонот поради времето поминато на екранот на компјутерот телевизорот или мобилниот телефон, покажува истражувањето на националната фондација за сонот...

Меѓу испитаниците од претставниците на фондацијата, 95% признаваат дека играат електронски игри, гледаат телевизија, користат смартфон или лаптоп во часот пред да заспијат.

Истражувањето покажува дека овие екрани со слаб интензитет на емитување многу често се користат токму во клучниот час пред спиење, вели д-р Чарлс Сејзлер од медицинската школа на Универзитетот во Харвард.

Според него, инвазијата на оваа електронска технологија во спалната соба ги држи луѓето будни и им пречи на здравиот сон.

Истражувањето покажа дека 43% од луѓето на возраст меѓу 13 и 64 години велат дека ретко или речиси никогаш немаат полн сон.

ПОстарите почесто гледаат телевизија, а помладите - екраните на компјутерите, смартфоните или конзолите за видео игри.

Според експертите, нивното користење може да има тешки последици врз физичкото здравје, мисловните активности и генерално добрата кондиција на младите.

Научниците сметаат, исто така, дека ефектот на екраните на компјутерие, мобилните или конзолите за видео игри е повеќе влијателен од телевизијата, и повеќе го попречуваат сонот.