Понекогаш не сме ни свесни дека состојките кои влегуваат во составот на препаратите за лице, всушност се наоѓаат во нашата кујна.
Таков е примерот со јајцето кое се употребува речиси во сите диети и во повеќето препарати за нега на кожата, поради својата огромна хранлива вредност.
Еве ви две рецепти кои се изработуваат лесно и за многу кратко време, а даваат одлични резултати:
1.Маска за лице со јајце и мед
-Измешајте една белка од јајце и една супена лажица мед.Смесата нанесете ја на лицето и оставете ја да одстои 10-тина минути, а потоа исчистете со млака вода.
Оваа маска ќе ви помогне да ја одстраните нездравата жолто-кафеава боја од лицето, ќе ја затегне кожата и ќе ви даде здрав изглед.
2.Маска за лице со јајце и јогурт
-За подготовка на овој препарат ви е потребно: 1 жолчка, 2супени лажици јогурт и 1 супена лажица мед. Измешајте ги сите состојки заедно и нанесете ја смесата на лицето и вратот и оставете да се исуши (15-20 минути). Откако ќе се исуши, смесата од лицето одстранувајте ја наизменично, со млака и со ладна вода.
Оваа маска е потполно ефективна за сите типови на кожа.
