Многу деца во рана годишна возраст го смукаат палецот, а тоа може да предизвика сериозни проблеми поврзани со усната шуплина и вилицата доколку детето продолжува со смукање и по 4-та година. Многу деца престануваат да ги стават прстите во уста без никакви проблеми, но доколку смукањето на прстот продолжи тогаш тоа е знак за проблеми во однесувањето, односно, вознемиреност или депресија. Доколку и Вие го имате овој проблем со вашето дете, Американската национална медицинска библиотека ви нуди неколку совети кои би можеле да ви помогнат:

1.Прашајте педијатар за користење на заштита на палецот;
2.Нанесете горчлива материја на прстот на детето, но претходно консултирајте се со лекар за сигурноста на таа материја;
3.Направете договор со вашето дете. Ако се согласи да престане со смукање на прстот, наградете го;
4.Пофалете го и наградете го вашето дете кога ќе забележите дека веќе не го смука прстот;
5.Доколку смукањето на прстот влијаело врз забите на детето, консултирајте се со заболекар за тоа што може да се направи за да се корегира штетата.