Менталниот и физичкиот развој на детето треба да бидат двата водечки фактори за родителите за време на празниците. Родителите знаат да ги поткупат љубовта и вниманието на своите деца со пари и скапи подароци, а при тоа заштедувајќи време. Тие секогаш мислат дека треба да побрзаат и да ја купат најновата и најскапа играчка за своето дете, но не е секогаш така. Кога возрасните избираат подарок, треба да сметаат на детските интереси и спецификации како и на тоа подарокот кој што ќе го изберат да учествува во здравиот психо-физички развој. Подарокот мора да биде на исто или едно ниво погоре од можностите на детето за да предизвика чувство за натпревар и да се види детскиот прогрес. Подароците од доменот на високата технологија како што се видео игрите ги преплавуваат продавниците, но изборот на велосипед или спортска опрема за детето би му помогнало во зголемување на активноста. Традиционалните Лего коцки се исто така супер затоа што помагаат во изградбата на вештините, моториката и креативноста. Не е се во парите и скапите подароци. Посетата на зоолошка градина, пливање, гледање на филм по избор на детето е прекрасен подарок за вашето дете. Давањето на дел од себе е пред се економично, меморира добри спомени и ја зацврстува врската родител-дете. Затоа родители за овогодинешните празници посветете им повеќе внимание на своите деца и изберете подароци кои се во ист чекор со времето како и вашите деца.