Земањето на хормони ги дуплира шансите за рак...

Земањето на хормоните естроген и прогестерон во рок од 5 години за време и после менопаузата, го зголемува ризикот за рак на дојката за 2 пати, покажаа најновите истражувања. Лекарите долго веруваа дека земањето на хормони за време на менопаузата го намалува ризикот од срцеви заболувања, остеопороза и многу други здравствени проблеми кои се јавуваат после менопаузата, но се воспостави дека не само што не придонесуваат до намалување на ризикот од овие заболувања, туку и предизвикуваат и други, како што е ракот на дојката. Сепак, се води дебата, дали краткотрајното користење на овие хормони е толку штетно како што е прикажано со овие истражувања. Лекарите сепак советуваат дека во случаи на сериозни и тешки симптоми кои се јавуваат за време на менопаузата и после неа, се препорачува краткотрајно користење и во мали дози на овие хормони за да се ублажат симптомите. Долготрајното земање на естроген и прогестерон хормоните секако го нарушува балансот на организмот, но по престанувањето на нивното земање, организмот набрзо повторно си воспоставува рамонотежа и ризикот од рак на дојката повторно се враќа на нормално ниво. Сепак заклучоците од оваа истражување се дека жените со сериозни симптоми треба да се советуваат да ги земаат овие хормони но во кратки периоди и дека хормоналниот третман е сепак добар во екстремни случаеви, но не и како секојдневна практика за сите жени кои се наоѓаат во менопауза.