Воспаленото грло е честа појава во зимскиот период, а причината за таа појава обично е настинка, претерано напрегање на гласните жици или сув воздух на кој сме изложени поради затоплување...



Наместо вештачки препарати и лекови, ние ви нудиме неколку природни напитоци со кои ќе можете на здрав и едноставен начин да ја елиминирате оваа непожелна болка.

1. Чај од кајенски бибер

Во тенџере со вода додадете чај од лимон, чај од нане, сок од еден лимон, една лажичка мед и половина лажичка кајенски бибер во прав. Измешајте добро и тргнете го од оган пред да зоврие. Пијте го додека се уште е топло.

2. Топол пијалок од лимон и мед

Во 250 ml вода додадете две лажички мед и добро затоплете го сето тоа (внимавајте да не зоврие). Тргнете го од оган и исцедете околу две лажички свеж сок од лимон. За посилен вкус може да додадете една лажичка кафеав шеќер.

3. Млечен пијалок со цимет

Земете една лажица шеќер, два прста сода бикарбона и половина лажичка цимет. Додадете 250 ml млеко и добро измешајте. Ставете на тивок оган и добро измешајте го. Тргнете го од оган пред да зоврие млекото и додадете една лажица мед. Пијте го додека е топло.

4. Чај со виски

Земете зелен чај, чај од камилица и лимон и ќе добиете здрав пијалок полн со антиоксиданси. Додајте на тоа уште една лажичка мед, лимонов сок, ѓумбир и малку виски. Откако ќе се напиете, ќе се чувствувате како да сте пиеле природен аналгетик.