Според истражувањата причина број еден за да се откаже човек од фитнес режимот е тоа што не му останува доволно време да го практикува...

Затоа денес ќе ви раскажеме малку повеќе за методот "Табата", кој е познат како "4 минутното чудо". Идејата на овој вид на тренинг е дека вашето тело би можело да се трансформира за само четири минути на ден.

Методот го носи името на д-р Изуми Табата, автор на револуционерното истражување. Тој истражувал две групи од елитни јапонски спортисти. Првите вртеле статичен велосипед колку е можно побрзо и колку се способни за четири минути на ден. Вежбањето им се состоело од осум по 20-секундни серии со пауза од 10 секунди меѓу нив.

Втората група ги вртеле педалите во нормално темпо за еден час. По само 6 недели тестовите на д-р Табата покажале дека првата група има доста добри резултати. Заклучокот е дека само за неколку минути на ден би можеле да постигнете повеќе отколку со 60 минути во салата.

Имајте на ум дека овој ефект е забележан кај спортисти, односно при индивидуи во одлична спортска форма, што значи дека кај обичните рекреативци процентот ќе биде уште поголем.

Другата добра вест е дека можете да тренирате со методот "Табата" секаков вид вежби, единственото правило е наизменично 20 секунди максимално оптоварување со 10 секунди одмор и тоа само во рок од четири минути.