Грипот и настинката се вообичаени болести кои доаѓаат со ладното време, но сите знаеме дека понекогаш едноставно е невозможно да одвоите доволно денови за одмор. Ако сте приморени на некој деловен состанок или друг важен настан, ви носиме неколку совети кои ќе ви помогнат барем визуелно да изгледате подобро...

1.Коректор
Коректорот е ваш најдобар пријател во оваа ситуација. Имено лесно ги прикрива подочниците, но може да го нанесете и на самите капаци, на подрачјето околу носниците и на сите црвени дамки или мозолчиња кои се појавиле поради настинката.

2.Дискретно нагласете ги очите
Заборавете на трите нијанси на сенка и тушот со светки, наместо нив одлично ќе ви послужат нежен слој на коректор кој ќе го отстрани отечениот изглед или беж или бела сенка. На аглите нанесте малку молив или туш и убаво нагласете ги трепките со маскара.

3.Отстранете го сјајот
"Масниот изглед" е чест кај девојките кои се настинати. Сјајот од лицето едноставно остранете го со пудра во прав, но никако на целото лице не нанесувајте бронзер затоа што ќе изгледате смешно.

4.Заборавете на розовото руменило
Розевото руменило инаку е совршено за враќање на свежината на лицето, но ако поради болеста веќе имате црвени образи, никако немојте да посегнете по  него. Изберете понежна нијанса на праска, светлосмеѓа или пак воопшто не нанесувајте руменило.

5.Косата "средете" ја со шампон во прав
На темето нанесете малку шампон во прав, втријте го на коренот, прочешлајте и направете опавче или пунџа.