Некои истражувачи сметаат дека осаменоста би можела да има последици по здравјето дури и толку големи колку што имаат кога ќе се испушат 15 цигари дневно.

Истражувачите истакнуваат дека осаменоста може да ја забрза деменцијата, но и проблемите поврзани за срцевите заболувања или високиот крвен притисок кај постари личности.

Секој некогаш се чувствува осамено, но тоа чувство, ако се продолжи, може да биде штетно по здравјето, констатирале професионалците.

Во денешно време, за жал, голем број луѓе се чувствуваат осамени, што најмногу ги погодува постарите личности, пред се оние кои се уште имаат семејство, но поради големата оддалеченост не се гледаат со истото.