Недостатокот на сончева светлина и ниските температури ги тераат жените да јадат повеќе во зима во споредба со спротивниот пол, покажува новото истражување на британски научници...

Понежниот пол јаде речиси два пати повеќе храна во ладните месеци. Според анкетата 28% од нив во споредба со 15% од мажите бараат утеха во лакомството за време на подепресивната сезона.
77% од жените велат дека недостигот на сончева светлина им се одразува врз прехранбените навики.
Во студените денови 37% од претставничките на понежниот пол не би ги напуштиле топлите домови во однос на 28% од мажите.

Лекарите велат дека е сосема нормално да чувствувате недостаток на енергија и лошо расположение во зима, поради ретката сончева светлина. Тоа го пореметува часовникот на организмот и предизвикува дисбаланс на хормоните. Нашето тело произведува повеќе мелатонин, кој прави да се чувствуваме поизморени и поспани.