Избегнувањето на креми за сончање, недостатокот на сон и не чистење на шминката пред спиење предизвикуваат акни и оштетување на кожата...
Занемарување на рацете и вратот
Исто како и лицето, вашите раце и врат се осетливи на сонце. На тие подрачја најпрво ќе ги забележите знаците на стареење како пеги, сувост и губење на еластичноста. Затоа пред да излезете немојте да заборавите на тие посебно чувствителни подрачја.
Третман на мозолчињата и акните
Акните во повозрасната доба се чести појави поради хормоналната нерамнотежа. Третманот само за акни а не и за целото лице ќе предизвика иритации тоа подрачје што ќе доведе до појава на нови акни. Наместо тоа, со тоник и крема против акни чистете го целото лице и спречете ја појавата на нови мозолчиња и акни.
Неотстранување на шминката пред спиење
Иако чистењето на шминката после напорен работен ден можеби ви е последното нешто што ќе ви падне на памет, остатокот од неа најчесто може да предизвика појава на мозолчиња. Во текот на денот во порите се собира нечистотија која ако не се отстрани може да резултира не само со мозолчиња туку и со инфекции.
Промена на производите против стареење
Иако повеќето жени сакаат резултатите од користењето на кремите против стареење да бидат видливи веднаш, за тоа е потребно малку повеќе време. Па наместо да ја менувате, кремата која сте ја избрале користете ја најмалку шест недели. На новите клетки им е потребно 30 дена да дојдат до површината, а за да се видат првите резултати потребно е повеќе од месец дена. Кожата, имено има потреба од четири месеци да го започне процесот на производство на еластин и колаген кој го стимулираат овие креми.
Користење на премногу креми одеднаш
Голем број на луѓе мислат дека користењето на различни кртеми и помага на кожата што побргу да се обнови, но дерматолозите предупредуваат дека тоа не е точно. Ако користите повеќе производи, во случај на иритација нема да знаете кој од нив го предизивикал проблемот, а тоа може да резултира со сериозни оштетувања на кожата.
Недостаток на сон
Недостатокот на сон освен што е виновен за подочниците, ја оштетува и кожата. Во текот на денот кожата се бори со стресот и нечистотијата, а во ноќта се намалува нивото на стрес што и помага на кожата да се обнови. Исто така стресот го покачува нивото на хормонот кортизол кој го зајакнува излачувањето на масти и на тој начин доведува до појави на акни, затоа најважно е да се наспиете од 7-8 часа и да и допуштите на кожата да се регенерира.
