Децата кои биле сведоци или жртви на насилство можат да имаат долготрајни проблеми со сонот, утврдиле американските научници...

Најтешките облици на насилство имале најголемо негативно влијание врз сонот на децата, предизвикувајќи несоница и кошмари, наведуваат истражувачите од универзитетот во Кливленд. 

Децата кои не спијат доволно имаат поголем ризик за проблеми во развојот и однесувањето, а недоволното спиење исто така е поврзано со зголемен крвен притисок, дебелеење, депресија, дијабетес, болести на срцето и мозочни удари.

Истражувањето е извршено во период од седум дена врз 46 деца на возраст од осум до 16 години, кои биле вклучени во програма за помош откако биле изложени на насилство.