Сѐ повеќе докази потврдуваат дека редовното и паметно изложување на сончевите зраци и консумирањето на риба можaт да помогнат во одржување на остар ум – особено кај мажите...
Губењето на когнитивните функции не мора да биде дел од стареењето! Резултатите од последните истражувања покажаа дека мажите, на средна и постара возраст, кои имаат зголемено ниво на витамин Д во организмот имаат најдобри когнитивни функции.
Со други зборови, овие луѓе постигнале подобри резултати при извршувањето на едноставни и чувствителни невропсихолошки тестови кои го бележат индивидуалното внимание и брзината на обработка на информации.
Најнеочекуваното откритие вели дека повисокото ниво на витамин Д и побрзата обработка на информации повеќе се поврзуваат со мажите над 60 години.
Истражувачите заклучиле дека витаминот Д има извонредно позитивно влијание врз мозокот. Студијата укажува на можноста овој витамин да го минимизира влошувањето на когнитивните функции, предизвикано од стареењето.
