Научниците за прв пат направиле излагање за поврзаноста на нечистиот воздух пред раѓањето со мал коефициент на интелигенција во детството, обелоденувајќи ги доказите за штетното влијание на смогот врз развојот на мозокот.

Научниците објавиле истражвање спроведено врз 249 деца кои биле родени од жени во Њујорк. Станува збор за жени од низок социјален статус кои живеат во делови од градот како што се северен Менхетен и јужен Бронкс и кои се изложени на типична урбана нечистотија, главно од автомобили, автобуси и камиони. Сите жени во последните месеци од бременоста носеле посебни апаратчиња за мерење на онечистувањето.

По 5 години, на родените деца им бил даден тест за интелигенција и утврдено е дека оние кои биле изложени на поголема онечистеност имаат полоши резултати. Разликата е во 4-5 поени, но научниците тврдат дека тоа е голема разлока која може многу лошо да влијае врз постигнувањата и успехот на децата во училиште.