Користењето на мобилниот телефон не го зголемува ризикот од рак, заклучиле данските научници по истражување кое траело 18 години...

Користењето на мобилни телефони, дури и на подолг временски период, не може да се поврза со појавата малигни оболувања, покажаа резултатите од големото истражување на група дански научници, спроведено во нивната земја.

Научниците дошле до тој резултат во тек на 18 години, следејќи ја здравствената состојба на 358.403 корисници на мобилни телефони.

Меѓу личности на кои е спроведено истражувањето, регистрирани се 10.729 случаи на тупор на централниот нервен систем.

Меѓутоа, споредувањето со резултатите од поранешните истражувања, довело до заклучок дека користењето на моилниот телефон не ја зголемува опасноста од појавата на рак, дури и меѓу личности кои се корисници на мобилни телефони подолго од 13 години.

Освен тоа, утврдено е дека стапката за тумор на мозокот е иста кај корисниците на мобилни телефони, исто како и кај сите останати.