"Intel" претставил чип за кој се надева дека ќе предизвика револуција на пазарот...

Производот го носи шифрираното име Sandy Bridge и е првиот чип кој во себе ги спојува микропроцесорот и графичкиот процесор, за да се скрати времето за прикажување на слика.

"Sandy Bridge ќе предизвика револуција - на само еден чип ги вградивме клучните способности за пресметки. Ова е многу важен чип за Intel", изјавил на технолошкиот форум во Сан Франциско, Пол Отелини, директорот на "Intel".

Чипот е дизајниран за инсталации во ефтини десктоп компјутери и лаптопи, а се очекува да биде спремен за пазарот во почетокот на идната година.

Со спојувањето на два процесори се скратува времето за произведување на слика и се укинува тесното грло помеѓу графички процесор и меморија. Новата технологија исто така ќе ја намали потрошувачката на струја и ќе го зголеми продолжувањето на батериите.

"Ова е одлична работа и сите сме љубопитни да видиме како овој чип ќе се покаже следната година кога ќе излезе на пазарот во светот", изјавил Мартин Рејнолдс, потпретседател на истражувачката компанија "Gartner".