LG вчера претстави нови модели од своите компјутери, а еден од нив се издвоил како најлесен, 14-инчниот Ultra PC...



Овој компјутер тежи само 980 грами, а LG тврди дека овој notebook е моментално најлесен на пазарот. Освен тоа што е многу лесен, овој лаптоп има и 14-инчен Full HD IPS екран. Куќиштето е изработено од премиум метал, а LG Ultra PC (со ознака за модел 14Z950) е тенок 13,4 милиметри. Батеријата му трае околу 10,5 часа, кој ја користи петтата генерација на Intel Core процесор, а за звук е задолжен HiFi Wolfson чипот.

LG има и 13.3-инчна верзија (модел со број 13Z940) Ultra PC, кој тежи 980 грами исто така. Двата модела се достапни во неколку вои, со цел да одговараат на опкружувањето и животниот стил. Цената и достапноста на овие Ultra PC уреди, се уште не се откриени, но познато е дека овие компјутери најпрво ќе бидат достапни на пазарот во Јужна Кореја и Јужна Америка.