Извршниот директор и основач на Facebook, Марк Цукерберг, ја разгледува можноста за инвестирање во кинеска компанија за производство на паметни телефони и таблети, Xiaomi...



Според Ројтерс, преговорите биле одржани во октомври 2014 година, за време на посетата на Цукерберг во Пекинг, кога Xiaomi беше во фаза на привлекување финансиски средства од 1.1 милијарда долари. Шефовите на компанијата го разгледувале политичкиот и комерцијалниот ефект, кој би се остварил доколку Facebook купи удели во Xiaomi, чиј бизнис се проценува на 45 милијарда долари. Договор се уште не е склучен.

Во првата половина од минатата година, Xiaomi продаде 26.1 милион паметни телефони, што е за 271% повеќе, во споредба со истиот период од 2013 година, па така приходите на оваа растечка компанија достигнале околу 5.3 милијарда долари.