Acer ќе го претстави најновиот Android телефон на овогодинешниот CES 2015 - Acer Liquid Jade S...



Станува збор за 5-инчен Android телефон, со MediaTek 64-битен чипсет, кој поддржува 4G LTE поврзаност. Liquid Jade S има 13MP камера со f/1.8 апертура, која има намена да обезбеди подобро функционирање во услови на слабо осветлување. Предната камера од 5MP, доаѓа со опција на гласовна контрола, која ќе им помага на корисниците да фотографираат полесно.



Acer Liquid Jade има имплементирано по некоја од своите технологии, како на пример, AcerEXTEND, која им овозможува на корисниците да ги поврзаат своите телефони со компјутерите и да раководат со тастатурата (доколку onscreen тастатурата не им се допаѓа или не е доволно брза).



Тука е и AcerNAV, кој претставува offline навигациски софтвер, поддржан од TomTom. Acer Liquid Jade S доаѓа со Android 4.4 KitKat оперативен систем, компатибилен со Android 5.0 Lollipop, кој ќе го добие подоцна годинава. Телефонот би требало да биде достапен кон крајот на месецот по цена од 299 евра.