Сигурно наидовте на Facebook група во која се купува и продава нешто, каде постои голем неред...



Facebook сака да му стави крај на тоа и да заработи некој долар повеќе. Некои корисници имаат ново копче “Sell Something”, кое им овозможува визуелно и на атрактивен начин да понудат продажба на нешто или услуга. Новата опција се појавува само кај мал број на корисници веднаш покрај копчето  “Write Post”, а со нив се појавува и натписот дека сега може да креираат постови за продажба.



Како што се гледа на овој прилог, можете да напишате што продавате, да додадете цена, да го опишете вашиот производ или услуга и да ставите слика. На крај можете да додадете информација за достава.



Објавата која ќе изгледа како сите нормални постови е многу повеќе прегледна отколку нафрланите постови со текст, а исто така луѓето може да го споделат постот, да го коментираат или да го лајкуваат.



Facebook официјално објави дека се работи само за тестирање.