Факт е дека луѓето се зависни од своите паметни телефони и голем број на апликации што секојдневно ги користиме...



Доколку не ги оттргнувате погледот и прстите од вашиот паметен телефон, апликацијата под името „Offtime“ ќе ви помогне да се „излекувате“.

Апликацијата е дело на берлинскиот психолог Александар Штајнхарт. „Offtime“ го ограничува пристапот кон апликациите што ни го одвлекуваат вниманието и блокира повици доколку не е во прашање итен случај. Не се работи за постојана блокада, туку корисниците можат да ја активираат само во периодот кога треба да се фокусираат на нешто и не сакаат никој да ги вознемирува.

Можете да внесете само одредени ВИП контакти, кои нема да бидат блокирани и може да ве добијат во одреден момент, како на пример вашата мајка.

Оваа апликација е достапна само за уреди со Adroid оперативен систем, но моментално се работи и на друга верзија за iOS. Готовата верзија за Android можете да ја преземете овде.