Шпанската влада донесе закон за „Google данок“ минатата недела, според кој шпанските весници ќе може да бараат месечна провизија за прикажување на нивни линкови на сервисот Google News...



Освен Google, на удар се сите останати компании кои објавуваат линкови од вестите на шпанските весници. Целта на Шпанија е да ја заштити шпанската индустрија на печатените медиуми. Европските новински издавачи веќе долго време се во судир со Google, кој го обвинуваат за злоупотреба на нивната авторски заштитена содржина во својот сервис за новости.

Шефот на дигиталната економија на ЕУ, Гунтер Отингер, најавил дека има намера да преземе мерки против овие компании, а една од нив е реформи на законите за авторски права, која ќе биде во насока против технолошките компании.

„Ако Google ја користи интелектуалната сопственост на ЕУ, Унијата може да го заштити своето сопствеништво и да го наплати неговото користење“, изјавил Гунтер.