Основачот на Tesla, Елон Маск, на неодамнешниот симпозиум одржан на MIT, уште еднаш предупреди на опасноста од вештачката интелигенција...
Големата опасност што ни се заканува од развој на вештачката интелигенција би можела да излезе надвор од контрола.
„Со вештачката интелигенција, ние ги повикуваме демоните“, коментирал Маск за време на својот говор. Така во јуни, зборувајќи за филмовите на Терминатор, рекол дека тој вложува во компаниите кои ја развиваат вештачката интелигенција само за да може да го следи нејзиниот развој и технологијата, додека во август на Twitter напиша дека вештачката интелигенција би можела да биде повеќе опасна од нуклеарното оружје. Имено, според него ова е најголемата закана за човештвото.
Маск вели дека мора да се донесат регулативи, со цел да се контролира развојот на вештачката интелигенција и да се спречат научниците „да не направат нешто глупаво“. Она од што сите се плашат е развојот на „робот убиец“, односно роботите кои би учествувале во војни и кои ќе одлучуваат сами кои ќе убиваат на бојно поле без човечка наредба.
