На почетокот на овој век двете најголеми индустрии во Финска биле мобилната и хартиената индустрија...



10 години подоцна обете индустрии биле во голема криза, која влијаела и врз економските проблеми на целата земја, па дури и на кредитниот рејтинг. Финскиот премиер Александер Стаб рекол дека еден од виновниците за падот на нивната „шампионска индустрија“ е Apple, односно нивните уреди iPhone и iPad.

„Малку е парадоксално, но мислам дека iPhone ја уби Nokia, додека iPad ја уби финската индустрија за хартиај“, коментирал Стаб и додал дека оваа индустрија сепак ќе закрепне.

Nokia не се прилагоди навреме на пазарот и доби големи проблеми од кои успеа да се извлече кога Microsoft ја презема оваа компанија. Кон крајот на 90-те и почетокот на новиот век Nokia не беше само апсолутен лидер на мобилната индустрија, туку и многумина ја сметаа за лидер на целата финска економија.