Apple вчера официјално потврди дека на 16 октомври ќе одржи конференција на која ќе претстави некои новитети...



Иако нема информации, речиси сигурно е дека ќе презентираат нови модели на iPad, а веројатно и подобрени модели на iMac и Mac мини компјутерите. Овој модел би требало да има нов А8 процесор, подобра камера и Touch ID сензор за препознавање на отисоци на прсти.

Виетнамскиот блог Tinhte.vn ги објавил и првите фотографии од новиот модел на таблетот на Apple минатата недела. Ова ги потврдува гласините дека овој уред ќе биде полесен и потенок (околу 7мм). Фотографиите откриваат и дека iPad Air 2 нема да имаат копче за заклучување на екранот и за исклучување на звуци од страната, што е голема промена во однос на претходните модели. Сигурно овие копчиња се отстранети за да може уредот да биде потенок.

Од Tech Crunch тврдат дека Apple намерно вградил Touch ID сензор во овој модел на таблет за да може во иднина да ја користи нивната Apple Pay услуга, која од наредниот месец ќе стане достапна за сите корисници на уреди на Apple.

Освен наведените новитети, iPad Air 2 нема големи промени во дизајнот во споредба со претходната генерација. Сепак не е сигурно дека вака ќе изгледа новиот iPad, но виетнамскиот блог е докажан како сигурен извор на информации, па врз основа на тоа можеме да му веруваме.