Скандалите со злоупотреба на фотографиите може да го чинат Google повеќе од 100 милиони долари...



Адвокатот Мартин Сингер тврди дека оваа компанија не преземала ништо за да спречи да се рашират фотографиите од познатите личности на неговите мрежи YouTube и Blogger.

Сингер се заканува со тужба со која би побарале повеќе од 100 милиони долари оштета од оваа компанија, бидејќи наместо да го спречи овој скандал, Google ги капитализирал објавувањето на приватни фотографии и на сметка на тоа заработил милиони долари од рекламирањето на нивните партнери.

Од Google велат дека избришале повеќе од 10.000 фотографии од стотици профили за само неколку часа. Меѓутоа, според Сингер, за време на скандалот Google не реагирал доволно брзо, ниту ефикасно, веднаш кога побарале отстранување на фотографиите.