Не станува збор за класичен вирус, туку за malware програма, која заразува милиони корисници на Facebook...



Авторите на оваа зла апликација ја искористуваат ситуацијата со афери со голи фотографии од богатите и славните личности, кои пред една недела почнаа да излегуваат во јавноста. На тој начин ги навлекуваат сите наивни корисници на Facebook.

Се работи за пораки-статуси кои ги содржат текстовите „ИМЕ НА ЛИЧНОСТА - приватно видео“ или „ХХХ приватно видео“. Со ова веќе се заразени над 2 милиони корисници на Faceboo, а детектирано е дека се работи за малициозниот вирус „Trojan.FakeFlash.A“.

Ако сте тагирани на таков пост или пак добивте порака која содржи материјали со вакви имиња, кои всушност водат кон лажна YouTube страница, не кликајте. Доколку корисникот кликне на линкот од него ќе се побара да направи update на својот FlashPlayer, за да може да пристапи до таа содржина. Ако го направи тоа ќе се активира Trojan и се инсталира додаток за неговиот веб-прелистувач, кој им овозможува на авторите на malware програмата да преземат контрола над неговиот Facebook профил.