Кога е приватноста во прашање, САД и ЕУ имаат различни мислења...



На стариот континент луѓето сакаат да ги обезбедат своите податоци и да ја задржат својата приватност.

Израелската старт-ап компанија Face.com разви моќен алгоритам за препознавање на лица, кој подоцна беше вграден во најголемата социјална мрежа Facebook. Откако ќе поставите фотографии на социјалната мрежа системот ги препознава лицата и автоматски ги означува, со што ја елиминира потребата за да ги означувате сите посебно. Ова не пројде во Европа и набрзо беше укината заедно со неколку други опции, токму ова време, но во 2012 година. Меѓутоа, Facebook не се откажува толку лесно и постепено се обидува да ги навикне европските корисници на овој алгоритам.

За корисниците постои опција, но овој пат со задолжителни компромиси. Препознавањето на лицето и предлогот со автоматско означување (eng. tag suggest) постојат во случајот кога на фотографијата ретко кој е со налог од САД. Тие лица Facebook ќе ги означува, додека европјаните од истата фотографија ќе останат „недопрени“. Очигледно оваа социјална мрежа оди напред, а што следува после ова, останува да видиме допрва.

Какви се вашите ставови за ова прашање? Сметате ли дека автоматското препознавање и означување е добредојдена опција или уште еден голем напад врз нашата приватност?