Sony е еден од првите производители на мобилни уреди отпорни на вода, уште од претставувањето на моделот Xperia Active 2011 година, па се до денешните топ модели кои имаат сертификат за отпорност на вода...



Така Xperia Z2 го добила сертификатот IP58, кој гарантира поминато време од 30 минути во слатка вода на длабочина од 1 метар. Се разбира, ова е само техничка спецификација, додека во пракса може да се видат различни случаи.

Еден прилично есктремен пример му се случил на Швеѓанецот Александер Максен. За време на скијањето на вода се случила несреќа и неговата Xperia Z2 се лизнала во морето на длабочина од 10 метри. Се обиделе да му ѕвонат и на општо изненадување уредот ѕвонел. За жал водата била премногу длабока па така акцијата за спасување била одложена за 6 недели, кога конечно еден човек го извадил мобилниот уред со помош на нуркачка опрема.



Мобилниот бил се уште оперативен и покрај тоа што сертификатот не гарантира за солена вода, особено 10 пати подлабока. Мобилниот претрпел мала штета - задното стакло пукнало после паѓањето или притисокот поради длабочината (на таа длабочина влијае притисокот односно хидростатскиот притисок од 2 атмосфери). Максен одлучил да ја задржи оваа Xperia, но наместо да ја поправи ја оставил во ваква состојба како спомен за овој настан.