Најпознатиот производител на електрични автомобили Tesla Motors, ја потврди следната генерација Model 3 на својот Twitter профил...



Се работи за компактна верзија на Model S, со кој Tesla директно ќе и конкурира на BMW 3 серијата. Автомобилите ќе бидат помали од Model S и со едно полнење ќе имаат опсег од 321 км, нешто помалку отколку што е тоа случајот кај Model S (500 км).

Model 3 ќе биде четврти електричен автомобил по ред, кој ќе излезе од фабриката на Tesla, веднаш после Model X, кој започнува со продажба наредните години. Се работи за автомобил, кој може да се стави во категорија помеѓу седан и спортски автомобил, а сепак ќе може да превезува седум патници. Познато е исто така дека Model 3 официјално ќе биде претставен во 2016 година, а продажбата ќе започне 1 година подоцна, пишува Auto Express.

Иако Елон Маск сакал овој автомобил да се вика Model E, тоа не се реализира поради тужба од Ford. Цената наводно би требало да биде 35.000 долари.