За краток временски период вчера можеше да се преземе апликацијата од одредени земји, но не и САД...



Slingshot му е конкурент на Snapchat, но се разликува според неколку работи. Заедничко им е праќањето на фотографии и видеа, на кои можете да пишувате и цртате, а самите пораки исчезнуваат откако еднаш ќе ги погледнете, иако засега е непознато дали постои одреден временски интервал за отстранување на фотографии.

Од друга страна Slingshot воведува необичен начин на комуникација, па така ќе можете да видите или да ја „отклучите“ пораката што ја добивате од пријател, на начин што и вие ќе испратите порака. Според тоа Slingshot би можел да стане вирален, но прашање е колку сето ова има логика и дали корисниците ќе го користат овој начин на комуникација. Малку е неприродно да се комуницира на тој начин, но како и да е, кога ќе ја испробаме апликацијата ќе може да се направи подлабока анализа. Новост е и копчето „React“, кое ви овозможува праќање на ваша реакција кога ќе ја погледнете фотографијата што ја добивте.



За кратко време апликацијата вчера исчезнала од App Store, а од Facebook потврдиле дека се работи за случајност, а апликацијата ќе биде наскоро објавена. Засега постои само iPhone верзија.