Наредната недела Skype ќе ја објави новата апликација за iPhone, при што воведува драстични промени и дизајнот е потполно минимализиран...



Покрај се почестите конкуренти како што се Viber, WhatsApp, Line, Snapchat и многу други, Skype мора да се прилагоди кон новиот пазар.

Новата апликација ќе овозможува едноставно префрлување од еден разговор на друг, односно со slide ќе можете да се префрлите од chat на video streaming.

Skype отсега ќе има и нов Favorite tab со големи слики од луѓето со кои најмногу комуницирате, а редизајниран е и просторот за допишување кој на крајот на екранот има опција за брзо бирање на телефон или видео повик. Додадена е и синхронизација за известување, па така прочитаната порака ќе биде означена како прочитана за сите Apple уреди.

Се уште нема информации за нова Android верзија, но веројатно и таа е некаде на пат кон вашите уреди, исто како и за Windows Phone корисниците.