Иако денес доминираат компјутерските игри, сепак одредени игри си обезбедија место во историјата...



Тетрисот дефинитивно спаѓа во една од најпопуларните игри на сите времиња. Играта се појавила на 6 јуни 1984 година, што значи дека оваа година ќе го прослави својот 30-ти роденден. Ова е за вистинска пофалба, бидејќи ретко кој може да биде горд на ваков наслов. Оваа игра ја креирал Алексеј Пажитнов, кој во тоа време работел како програмер во компјутерскиот центар на Советската академија на науката. Откако ја креирал иницијалната верзија, неговите пријатели Дмитриј Павловски и Вадим Герасимов изработиле верзија за IBM PC платформата, а се друго останало чиста историја.

Со текот на годините тетрис речиси воопшто не се изменувал, туку си останал ист, кој зарази милиони луѓе ширум светот. Тетрис во 2005 година по избор на порталот IGN го заземал 3-то место во изборот на „100 најголеми видеоигри во историјата“ - податок кој зборува доволно сам за себе. Името на Тетрис се состои од грчкиот број четири, а со оглед на тоа што сите делови се составени од четири елементи, плус тоа што тенисот му бил омилен спорт на авторот, па така на тој начин играта го добила своето име.