Google одлучи да го раздели својот оперативен систем Android и да го прилагоди исклучиво за овие уреди...



Компанијата официјално го претстави Android Wear, модифицираната верзиај на Android OS, изработен исклучиво за носечки уреди.

Овој OS е интегриран со Google Now, па така корисниците ќе можат да го управуваат часовникот со гласовни команди - да праќаат пораки, да извршуваат резервации, да гледаат временска прогноза и многу други работи. Главната идеја е да се управува полесно со гласовни наредби, отколку директно со прстите на малиот екран.

Фитнес е другата голема карактеристика, при што од Google велат дека платформата може да ја прикажува брзината во реално време, оддалеченоста и информациите на вашата рака за време на трчање, возење велосипед или движење.



Видеото одозгола покажува како е замислен Android Wear од Google, а Fossil, LG, HTC, Motorola, Samsung, Asus и некои други компании најавуваат дека до крајот на годината ќе го објават својот паметен часовник, со оперативниот систем на Android.