Виртуелните проекти или оние со проширена реалност се се почести, кои на некој начин стануваат стандард, особено кога игрите се во прашање...



Сега во овој сегмент се вклучи и Sony. На Game Developers Conference (GDC), Шунеи Јошида, раководителот на одделот за софтвер за видео игри, ја претставил конзолата PlayStation 4 на Sony, која овозможува виртуелна реалност. Sony тврди дека преку видот, слухот, детекција на движењата, овој уред ќе понуди сосема ново искуство, неверојатно уживање во играњето, но во исто време ја гарантира и едноставноста на користењето, за гејмерите да можат да го насочат своето внимание кон играта.

„Долго ја сонував виртуелната стварност на нашата конзола, како и можностите кои таа ни ги носи во перспектива на развојот на игрите. Сега сме тука, Project Morpheus е технологија од која секој ќе се чувствува како присутен и дека е навистина `внатре`, заедно со вашите емоции, а тоа е фантастично“, рекол Јошида. На развојот на овој производ Sony работел повеќе од 3 годиним, а моментално е во фаза на прототип.



„Project Morpheus“ е хибрид помеѓу слушалки и кацига, таканаречен „head-mounted“ уред со 1080p резолуција и видно поле од 90 степени. Во него се вградени акцелерометар и жирископ сензорите, кои обезбедуваат реална ориентација во просторот и движењето, а според информациите на инженерите на Sony тоа гарантира неверојатно чувство на ротација внатре во самата игра. Тука е и 3D технологијата која создава звук во сите насоки во реално време, зависно од положбата и ориентацијата на главата.