Наскоро на саемот на автомобили(6 - 16 март) во Женева официјално ќе биде претставен системот на Apple за мултимедија, навигација и проширени контроли...



„CarPlay е дизајниран темелно за да им понуди сосема ново искуство на возачите со користење на нивниот iPhone, кој се интегрира со управувачкиот систем во автомобилот“, објавиле од Apple.

Потврдено е дека засега овој систем ќе биде достапен во автомобилите на Ferrari, Mercedes-Benz, Volvo, Nissan, Peugeot, Jaguar, Land Rover, General Motors, а интересно е тоа што Ford ја прекинува најавената соработка со Microsoft Sync за гласовни наредби и се свртува кон Apple.

CarPlay ќе биде достапен во склоп на новиот iOS 7 и засега ќе поддржува само iPhone уреди од последната генерација - iPhone 5S и 5C.