Новиот flagship модел на LG е достапен само на корејскиот пазар, на глобалниот пазар се очекува да биде промовиран на Mobile World Congress во Барселона, кој започнува следната недела...



После сите шпекулации и (не)проверени информации, конечно и официјално е претставен новиот паметен телефон LG G Pro 2 и наскоро започнува со освојување на светските пазари, иако компанијата не прецизирала кога точно, ниту колкава ќе биде конечната цена. G Pro 2 е во голема мера ист како и неговиот претходник G PRO, НО СО поголема дијагонала на екранот (5,9 инчи - 5,5 инчи), КОЈ ќе се испорачува со најновата верзија на Android оперативниот систем - 4.4 KitKat. Има уште неколку иновации кај камерата - фото/ видео, каде ја има новата можност за снимање ан 4K Ultra HD видео.



Заедно со оваа новост, LG G Pro 2 ја има и новата функција Magic Focus, нов вграден блиц, функција „burst“ кога се фотографира - до 20 слики по ред. Од хардверските карактеристики има 2,26 GHz, quad-core процесор (Qualcomm), 13-мегапикселна камера од задната страна и 2,1 мегапикселна од предниот дел на уредот, 3 GB RAM и 32GB внатрешна меморија, со можност за дополнително зголемување на капацитетот користејќи microSD картички. Повеќе за карактеристиките и спецификациите на LG G Pro 2 можете да прочитате тука.