Се повеќе и повеќе ги има оние кои предвидуваат дека Samsung до крајот на февруари на Mobile World Congress настанот во Барселона ќе го претстави својот нов flagship модел на паметен телефон...



Компанијата најавила дека на 24 февруари на MWC организира "медиумски настан", не прецизирајќи за што се работи, но веќе е јасно уште со самата најава дека ќе му понудат на пазарот нешто многу добро. Да не беше така, немаше да објавуваат однапред дека ќе ги „сместат сите заинтересирани“ страни, бидејќи такво нешто за некоја неважна работа не би имала никаква смисла. Значи, дали ќе се појави новиот модел на Samsung Galaxy S5 на MWC e прашање со кое се занимаваат речиси сите оние кои ги следат случувањата во индустријата.

Никој не може да биде апсолутно сигурен дека ова ќе се случи, но судејќи според се, такво сценарио е многу веројатно. Samsung така го претстави новиот визуелен изглед и новите икони за своите TouchWiz кориснички интерфејс, кој е помпезно најавен со пораката „Unpacked 5“, кој повеќето медиуми го поврзуваат со моделот на Galaxy S5. Новите икони имаат и нови имиња - Speed, Outdoor, Curiosity, Social, Style, Privacy, Fitness и Life.