Не сме баш сигурни колку корисници ќе ја поздрават оваа одлука, во време на општа параноја за приватноста на интернет, иако се уште не е дефинирано кога и дали ќе се појави во новото производство...



Context ќе биде развиена алатка, за да може најголемиот производител на паметни телефони во светот "полесно да го разбере однесувањето на корисниците на нивните уреди". Тоа го тврдат од Samsung, иако се уште не објасниле каде и на кој начин би се чувале собраните податоци, дали ќе станат составен дел од новиот модел, или дали ќе се вгради на постоечките модели.

Во суштина, Context треба да собира податоци за тоа како сопствениците на Samsung телефони "се однесуваат", на кој начин го користат уредот, кои гестови ги применуваат, кои зборови ги употребуваат, кои апликации ги користат, каков вид на податоци користат, и.т.н. На тој начин, Samsung вели дека ќе може да ги подобри своите услуги, да ги поправи недостатоците и да им овозможи "подобри можности и поголемо уживање" на корисниците.