Досега веќе неколку пати се најавуваше и продукцијата постојано одложуваше, а сега конечно стана достапна новата верзија на популарниот интернет пребарувач дизајниран за екран на допир...



Mozilla на својот официјален блог објави ја објави веста дека оваа верзија е наречена Firefox for Windows 8 Touch Beta, достапна за преземање и тестирање. Се разбира дека штом се работи за Beta верзија, јасно е дека работите не се „испеглани“ до крај, но сепак ова е добра вест за сите што користат Windows 8 таблети, лаптопи или „all in one“ компјутери со екрани на допир.

Оваа верзија на Firefox поддржува „touch“ и „swipe“ гестови, како и иновациите за преглед низ цел екран, полесна и повеќе практична визуелна навигација, како и Windows Share функција, која ви овозможува цела веб-страница или само одреден дел да споделите на социјалните мрежи. Mozilla очекува од корисниците што ќе ја преземат оваа верзија, да "споделат повратни информации и да ги пријават сите грешки, се со цел да се отстранат“.

Firefox за Windows 8 Touch Beta можете да го симнете тука.