Ако се уште не сте слушнале за Flappy Bird, тогаш сме сигурни дека допрва ќе слушнете, и не само тоа, туку и ќе ја играте...



Играта Flappy Bird буквално преку ноќ стана мега популарна на App Store и Google Play, која се најде на број еден и кај двете апликации. Како доживеа успех оваа игра за само една ноќ?

Донг Нгуен, независен програмер од Виетнам, вели дека тајната лежи во едноставноста на играта. Поентата на играта е да тапкате по екранот, да ја задржите птицата да не падне на дното, со што ќе ги избегнете пречките кои ви доаѓаат. Иако звучи едноставно, кога еднаш ќе се обидете, ќе сфатите дека играта не е лесна, иако е многу едноставна.

Донг не сака да одговара на прашањата од новинарите затоа што смета дека претеруваат со успехот на неговата игра.

Преземете ја Flappy Bird од App Store или Google Play.