Двајцата научници, Џон Канарел и Џошуа Секлер од Универзитетот Принстон, врз основа на научни методи на анализирање на епидемијата, дошле до интересен заклучок...
Според нивната проценка Facebook во следните три години, заклучно со 2017 година ќе изгуби 80% од корисниците кои сега се активни во социјалната мрежа. Канарел и Спеклер ги споредиле социјалните мрежи со заразни болести, односно фази на ширење на епидемија, односно пандемија. Така на почетокот има брз раст и експанзија, потоа се достигнува врвот, по што следува, логично, пад.
Во оваа анализа научниците како еден вид на доказ и стандард на вредности, земале уште една социјална мрежа, која некогаш била многу популарна, а денес е практично на маргините. Станува збор за MySpace, за кој тврди оваа двојка дека поминал низ овие фази на "болест" и никогаш не закрепнал целосно, што слично би можело да му се случи и на Facebook. Ќе видиме дали се во право, а засега единствен непобитен факт е дека Facebook ги губи корисниците, особено помладите.
