Од LG најавија дека првиот "се во едно" персонален компјутер во светот ќе биде со оперативен систем од Google...



LG Chromebase (модел 22CV2421) е нова генерација на компјутери на LG во соработка со Google. Тој има 21,5 инчен full HD екран (IPS технологија), Intel процесор, 2GB меморија, а интересно е што може да работи и само како класичен монитор.

Публиката ќе има можност за прв пат да го види претставувањето на овој компјутер на Consumer Electronics Show во Лас Вегас.

"LG Chromebase е иднината на компјутерите, кој нема да биде само за домашна употреба, особено е наменет за училиштата, хотелите, центрите за примање повици и многу други јавни установи", рекол Хијонг Сеи Парк, Сеј Парк, раководител на IT одделот на LG.

Интеграцијата со услугите на Google е веројатно картата на која ќе игра LG кога ќе бара "влез" во јавните установи што ги споменал Хијонг, со едноставното користење и современиот дизајн, веројатно ќе има силно издигнување на пазарот, иако цената засега се уште не е објавена, која ќе се соопшти во првиот месец од 2014 година.