Се чини дека малку по малку Твитер следи стапките на Фејсбук, ја тестираат новата опција која ќе ги прикажува твитовите во ваша близина, благодарение на услугите за локација...



Твитер ја изведе можноста за локализација на твитови уште во 2010 година, но, се чини дека оваа опција дури сега има смисла, како за корисниците така и за огласувачите. Како што соопштува WSJ, некои корисници забележале уште еден нов таб, кој ја прикажува картата со твитовите во близина, кои ќе им овозможат на корисниците полесно да се поврзат со други лица, односно оние што се наоѓаат во нивна близина.

Ова се разбира е совршена можност за огласувачите, кои би можеле директно да ги таргетираат корисниците на одредени локации, што би можело да внесе повеќе пари во каса.

Инаку, локацијата автоматски се исклучува при инсталирањето на Твитер и корисникот мора рачно да ја вклучи преку телефон. Ако „заживее“ ова, веруваме дека ова автоматски ќе вклучи некои од следниве надоградби.

Ако ги оставиме огласувачите настрана, ова е секако една интересна опција што ќе ги охрабри луѓето да комуницираат повеќе, а можеби и да се запознаат во живо.