Instagram ја лансира новата функција за приватни пораки наречена Instagram Direct, која ќе им овозможи на корисниците да испратат фотографија или видео, на 1 до 15 следбеници...



„Понекогаш сакате да споделите само со одредена група на корисници, а не со секого“, рекол основачот на Instagram, Кевин Систром, преку соопштението на компанијата.

Ажурираната апликација за мобилни телефони вклучува нов прозорец наречен „direct“, со кој корисниците испраќаат слика до одредени пријатели и можат да разменуваат пораки преку неа. Постои и опција „send to 1“(испрати на еден), со која се испраќа слика само до едно лице.



Функцијата „Direct Message“ работи во реално време и им овозможува на корисниците да видат кој од нивните пријатели ја гледале сликата и разменувале пораки за неа.

Оваа функција се уште е во развој и покрај тоа што може да се избере на кои пријатели ќе се испрати сликата. Во иднина ќе може да се создаде и група каде ќе може да се испратат повеќе слики одеднаш.