Mozilla често го ажурира својот пребарувач Firefox и тоа е добро, бидејќи секогаш се обидуваат да го подобрат и додадат нови функции, со кои ќе се олесни и забрза користењето...
Дојде верзијата 26 со неколку нови карактеристики, па да почнеме по ред. Firefox 26 отсега нема да вчитува Java по дифолт, туку на корисниците ќе им понуди дополнителен клик за вчитување на додатоци(Plugins) напишани во Java. Овој дополнителен клик значително ќе го забрза вчитувањето на страницата.
Можеби најголемата новост е „Home“ или новиот почетен екран со вклучувањето на Firefox на Android, кој вклучува повеќе функции, за полесно и поедноставно користење, што можете да го видите во видеото подолу, а додадени се и два пребарувачи, Bing и Yahoo, па така можете да го изберете вашиот омилен со кликнување на „search settings“.
Ова се само некои од повеќето новости, бидејќи ги има многу. Firefox додал и подршка за паметни телефони и таблети со вграден Intel x86 процесор, како на пример Motorola RAZRi, ASUS Fonepad ME371, Acer Liquid C1, Lenovo K900 IdeaPhone и Galaxy Tab 3 (10,1).
Новата верзија е веќе најавена за лансирање во февруари следната година.
