Технологијата станува се повеќе распространета, нови сервиси и алатки ни го олеснуваат овој динамичен живот, но, зад сето тоа стојат луѓе што го изработиле тоа...


Нивното знаење за програмирање им овозможува да ја обликуваат нашата интеракција со компјутерите и да дефинираат кои компјутерски сервиси ќе ги пласираат до крајните корисници. Во суштина, програмерите одлучуваат како нашата култура ќе ги искористува компјутерите.

Токму поради големото влијание на програмерите во општеството и културата, многумина велат дека секој треба да научи да чита и пишува кодови. Се тврди и дека познавањето на програмските јазици е слично како читањето и пишувањето. Мора ли секој од нас да знае да програмира? Веројатно не, но, за повеќето од нас тоа ќе биде дел од работата во иднина.