Овој прилично обемен паметен телефон е доказ дека Samsung не се откажува од својот концепт, кој често се нарекува „phablet“...



Galaxy Grand 2 е наследник на Galaxy Grand, од кого се разликува најмногу во дијагоналата на екранот. Galaxy Grand има екран со дијагонала од 5 инчи, додека „двојката“ доаѓа со поголем екран, поточно 5,25 инчи, но има разлика и во боите. Најновиот уред на Samsung ќе биде достапен во црна, бела и розова, додека Galaxy Grand ќе биде во бела и металик сина боја.

Останатите спецификации на Samsung Galaxy Grand 2 уредот се TFT 1280x720 екран, quad-core 1.2 GHz процесор, 1,5 GB RAM меморија плус 8GB (microSD картичка), 8-мегапикселна камера. Нејзините димензии се 146,8 x 75,3 x 8,9 милиметри, тежи 163 грами, капацитетот на неговата батерија е 2600 mAh, оперативниот систем е Android 4.3, а тука е и dual SIM слот. Цената и точниот датум на пуштање во продажба се уште не се објавени.