Ова е апсолутен рекорд кога станува збор за Xbox конзола воопшто, откако вчера е пуштена во продажба на пазарите во 13 земји, One експресно стигна до својот прв милион...



Веста е објавена на официјалните веб-страници, каде Microsoft се пофали со ова достигнување, кое е идентично со првиот ден од продажбата на конзолата PlayStation 4. Сепак, постои една важна разлика, бидејќи Xbox One е лансиран во 13 земји, а PS 4 е пуштен во продажба само во САД и Канада, но тоа никако не го намалува брилијантниот пазарен дофат на играчките конзоли на Microsoft.

"Ние сме им крајно благодарни на обожавателите на нашите конзоли низ светот, кои се одлучиле да ги купат", изјавил Јусуф Мехди, корпоративниот претседател на маркетинг и стратегија за Xbox, додавајќи: „Гледајќи илјадници, стотици илјади возбудени обожаватели, сфативме дека Xbox One е нивна, исто како и наша - љубов, а тоа заедно не прави горди и ова е секако, историски момент за сите нас". Во моментов на Xbox конзолата се достапни 22 наслови за играње, од кои десет се ексклузивни.