Музичкиот Player, со кого пораснаа "дигиталните" генерации, до крајот на годината веќе ќе нема да биде достапен, објавено е на официјалната веб-страница...



Генерацијата од 80-те, па дури и оние од порано добро се сеќаваат на Winamp, единствениот музички плеер кој донесе револуција во дигиталната музика. Winamp најпрво бил објавен на 21 април 1997 година, а го развила компанијата Nullsoft, која подоцна станала дел од AOL.

Winamp беше бесплатен софтвер со многу можности, па така луѓето можеа да правat свои плејлисти, да подесуваат визуализации, да менуваат скинови(имиџот на плеерот), и.т.н.

"Winamp беше пионер во дигиталната музичка револуција и iTunes не би постоеле без работата што ја завршија програмерите од овој сервис. Тие секако го заслужуваат местото во музичкиот двор на славните", изјавил Мајкл Робертсон, основач на mp3.com.

Подолу можете да видите кратко видео со Џастин Френкел, еден од двајцата програмери кои го создале Winamp, кој објаснува како го создале сервисот и зошто.

Winamp ќе биде достапен до крајот на годината, а потоа веќе нема да може да се презема.